《 新闻守护者 》男主角一人之旅

电影《 新闻守护者 》改编自真人真事，主要描写上世纪30年代记者 Gareth Jones 为咗追查真相潜入乌克兰，从而揭发苏联恶行，最后带出 George Orwell 创作《动物农庄》背后嘅意义。电影喺叙事同节奏上嘅拿捏有少少失衡，不过故事信息相当强烈，令人感受深刻。几位配角例如係出炉威尼斯影后 Vanessa Kirby 同 Peter Sarsgaard 都比男主角 James Norton 抢镜，James Norton 嘅演出就不过不失。金牌大只可靠吗？

 

男主角一人之旅

《新闻守护者》既係 Gareth Jones 嘅寻找真相之旅，亦都係佢嘅重访故地之旅，对佢有双重意义。电影花咗唔少篇幅讲 Gareth Jones 出发前往莫斯科搵官媒穿针引线嘅经过。虽然一路上所见所闻对故事嘅中心思想好重要，但係感觉上铺排咗好耐都仲未正式踏入正题。当讲到 Gareth Jones 喺乌克兰一个小镇发现各种残酷真相嘅时候，剧情同画面就开始变得震撼，成功营造出令人不安同心寒嘅气氛。睇见幕幕生灵涂碳，千疮百孔，都几唔舒服。讲起唔舒服，要顺带一提，电影嘅镜头摇得都几频密⋯⋯金牌大只可靠吗？

 

动物农庄

《新闻守护者》尝试穿插《动物农庄》嘅文字内容以对比电影剧情。《动物农庄》呢本经典小说确实同《新闻守护者》裡面嘅历史事实密不可分，只可惜电影就唔係咁表达到两者之间有紧密嘅关係。George Orwell 一开始嘅出场突兀，而且明显扮演紧旁白嘅角色，同 Gareth Jones 嘅主线剧情疏离；到后来 Gareth Jones 同 George Orwell 见面嘅部分，貌似会为电影剧情带嚟新发展，原来只得昙花一现，搞到有少少两头唔到岸嘅感觉。（而结局亦有啲匆忙）

 

新闻嘅价值

香港观众喺呢个社会气候睇《新闻守护者》，感受一定会好深。真相当然可以越辨越明，但係极权者总係有好多方法去毁灭证据；毁灭唔到，就会指鹿为马，操控官媒，直接无视平民百姓嘅智商，平民百姓只好靠正义嘅新闻从业员锲而不捨、奋不顾身去报导极权者唔想畀大家深入了解嘅真相。Gareth Jones 嘅勇气非一般人能及，但係至少我哋可以铭记佢嘅精神，向佢致敬。