《 我的豪爸爸 》荷里活亚洲热未退

《 我的豪爸爸 》无刻意嘅歌颂，反而几真情流露，主角可以明示网络封锁会硬生生咁扼杀创作自由同空间。「想创新？去香港啦！」去香港，不过係2018年或之前嘅香港，要知道《 我的豪爸爸 》早响2018年喺香港同深圳取景；今日，关于香港嘅自由同空间，唔同人都换咗唔同嘅睇法。金牌大只平台

咁样係咪stereotype

吴耀汉饰演一个喺中国开玩具厂嘅有钱老豆，脾气大、横蛮专制、多情⋯⋯《 我的豪爸爸 》将佢塑造成为一个好似清朝皇帝咁款嘅极权霸者，不期然会令观众联想起中国土豪新常态。係咪 stereotype 就见仁见智，不过亦都可以话係对社会现状一种夸张嘅表述。反而女主角嘅设定无我开头想像嘅「废」，性格出奇地讨好，唔係一个无所事事只係识得挥霍嘅富二代，有头有脑，加分。

 

 

荷里活亚洲热未退

自从《我的超豪男友》爆红之后，讲东西文化差异嘅喜剧电影就好似成为咗荷里活嘅新竉儿，令 Awkafina 称后嘅《别告诉她》就係其中之一。相对之下，《 我的豪爸爸 》故事比较简单，无劲爆嘅富豪生活，亦都无悲从中来嘅生离死别，女主角被迫返中国处理家族生意，同关係疏远嘅老豆一时啱倾，一时唔啱 key，剧情有些少肥皂剧嘅味道，不过又几襟睇，唔会话老土到会令观众侧目。唯一比较明显嘅问题係绝大部分角色都倾向用对白表达情感，少咗啲幻想嘅空间，演出上亦略嫌浮夸。金牌大只平台

 

 

始终係美籍华裔style

虽然有香港人熟悉嘅演员同埋广东话，不过《 我的豪爸爸 》底子裡始终係一部东西混杂嘅製作，有某啲时候难免会令香港观众感到唔够自然。女主角嘅故事係导演 Emily Ting 嘅人生写照。Emily Ting 其实係嚟自台湾嘅美国移民，而电影裡面饰演吴耀汉（讲英文流利过讲广东话而住喺深圳嘅）细仔嘅小演员原来係 Emily Ting 细佬，再加上电影又无特别交代吴耀汉到底係广东人抑或係上深圳发展嘅香港人，戏裡戏外都充满著各种文化差异。外国观众唔会「分那麽细」，或者根本就分唔到，但係正常香港观众好难会忽略呢啲细节。《 我的豪爸爸 》整体上畀我嘅感觉就好似我去咗大陆见到我一班住喺美国嘅亲戚一样。