《 现代启示录 ：终极版》3小时体验从肉体到精神上嘅折磨

1979嘅呢套经典《 现代启示录 ：终极版》读电影嘅时候呀Sir都有介绍过，但由于播一播就无咗成堂嘅关係，佢都係叫大家返屋企睇。然后今年俾我见到佢重映呀妈妈！我就同大学同学9衝买飞去睇了，开心！呀Sir我睇完喇！（迟咗5、6年）

 

 

一名军人接到任务，收到风喺越战爆发期间，一个陆军上校唔听指令，喺山高皇帝远嘅地方自立为王咁款，乱咁杀人掠地，有指佢已经陷入疯癫。于是呢个军人为咗进行刺杀任务，深入越南同柬埔寨，与此同时，战争如火如荼，发咗癫嘅又岂止上校一人？

 

 

大概一套戏嘅开首几分钟就可以为电影定下步调与氛围，而呢套戏一开始就话你知佢唔係讲一场杀戮游戏咁简单。对比起真鎗实弹，人内心複杂嘅思想同阴暗面先係灾难嘅源头。观众随住主角嘅任务进行，见到一开始嘅登陆战，沿河而上见到劳军晚会、军人失控杀人、土著攻击、离地法国佬、边境地狱⋯⋯所有嘢都係电影带俾观众睇到嘅旅程，呢一切已经解释紧点解上校会打仗打到走火入魔，而走火入魔嘅都恐怕唔係得佢一个。主角、配角甚至观众，大家一齐经历打仗，由肉体受罪，到电影后段，作为观众都觉得睇到精神散涣。（其实电影嘅genre到咗后面已经唔係战争片了）

 

 

 

今次睇有得 enjoy IMAX，可以睇得返一部咁有质素保证嘅经典，可以睇到当时未有航拍又未有咁多CG特效底下拍出来嘅质感，特别係用直升机拍返直升机飞紧嘅Shot，可以睇到马龙白兰度呢个咁陌生又好传奇嘅人，可以睇到一大堆当时仲好型棍但依家睇到「哇原来呀伯你当年拍过《现代启示录》呀」嘅老牌演员（除咗夏里逊福 ，佢永远都好似漆黑之中嘅萤火虫一样耀眼）⋯⋯原价$120蚊我再9折哇都係$108蚊实在抵到烂呀！